Lizarrako Frai Diego Kultur Etxeak Nafarroako Kazetarien Elkarteak Estella-Lizarrako Udalaren eta Nafarroako Gobernuaren laguntzarekin antolatutako ‘Nafarroako artisten begirada Done Jakue Bidearen ezagutzari’ izeneko erakusketa izanen du ikusgai ostiraletik, maiatzaren 6a, eta maiatzaren 29ra arte.

Garrantzi handiko 20 margolari eta eskultoreren lanak biltzen ditu erakusketa honek, Foru Komunitatea zeharkatzen duten Done Jakue Bideetako leku enblematikoak ikusteko.

Guztira, 20 pintura eta 6 eskultura erakusten dira, honako artista hauenak: Faustino Aizcorbe, Ricardo Baroja, Francis Bartolozzi, Jaime Basiano, Jesús Basiano, Javier Ciga, Carlos Ciriza, Alfredo Díaz de Cerio, Arturo Gracia, Antonio Laita, Jesús Lasterra, Pedro Lozano de Sotés, Ana Mari Marín, Juan Carlos Pikabea, Florentino Fernández Retana, Narciso Rota, Pedro Salaberri, Cesáreo Soulé, Miguel Javier Urmeneta eta Inés Zudaire.

Erakusketa datorren astelehenean, maiatzak 9, inauguratuko da ofizialki, 19:00etan, Kazetarien Elkarteko eta Udaleko ordezkariak bertan direla.